PIKA E KALIMIT KUFITAR JARINJË | BRANISLAV XHURGJEVIÇ (DJURGJEVIĆ) U ARRESTUA; TRAFIK QENIESH NJERËZORE; 18 MIGRANTË TË PALIGJSHËM NË AUTOBUS.

Pika e Kalimit Kufitar Jarinjë, Republika e Kosovës | Strukturat vendore të Policisë arrestuan;

1- Z. Branislav Xhurgjeviç (Djurgjević).

Ai konsiderohet subjekt i përfshirë në trafik qeniesh njerëzore në datën 24.08.2025 me një autobus të shoqërisë tregtare “Joe Travel” (linja Mitrovicë–Beograd).

Gjatë kontrollit në autobus u zbuluan:

1- Tetëmbëdhjetë (18) migrantë të paligjshëm (të paregjistruar në listën zyrtare të udhëtarëve).

Emigrantët e paligjshëm ishin:

1- Pesë (5) palestinezë që kishin hyrë në territorin e Republikës së Kosovës me pasaporta jordaneze.

2- Gjashtë (6) bangladeshas me viza pune, por me vendim dëbimi nga territori i Republikës së Kosovës.

3- Shtatë (7) egjiptianë që kishin hyrë nga territori i Republikës së Shqipërisë dhe synonin kalimin për në Bashkimin Evropian duke kaluar nga territori serb.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit