PARIS | AKTORI GERARD DEPARDJE (GÉRARD DEPARDIEU) U DËRGUA SOT NË GJYQ PËR PËRDHUNIMIN E AKTORES SHARLOT ARNULD (CHARLOTTE ARNOULD).

Aktori Gerard Depardje (Gérard Depardieu)

Paris, Francë | Aktori Gerard Depardje (Gérard Depardieu) u dërgua sot në gjyq nga një gjykatë në Paris për përdhunimin e aktores Sharlot Arnuld (Charlotte Arnould).

Aktorja Sharlot Arnuld (Charlotte Arnould)

Aktori do të gjykohet për dy përdhunime dhe sulme seksuale, sipas padisë së paraqitur nga gruaja menjëherë pas ngjarjeve, të kryera në shtëpinë e saj, në Paris, më 7 dhe 13 gusht, të vitit 2018.

Lajmin e njoftoi avokatja e viktimës, Carine Durrieu-Diebolt.

Aktori Depardje (Depardieu), nga ana e tij, gjithmonë ka pohuar se marrëdhënia ishte konsensuale.

Aktorja Sharlot Arnuld (Charlotte Arnould) tha se ndihej e lehtësuar nga kjo formë e së vërtetës gjyqësore, të cilën, ajo e shprehu në Instagram me togfjaslëshin:

1- “Nuk mund ta besoj, është kaq e madhe”.

Zyra e prokurorit të Parisit kishte marrë një vendim të ngjashëm më 14 gusht 2024, por hetimi u rihap më vonë pas një kërkese për një mendim eksperti mbi aktorin në lidhje me vërejtjet seksuale dhe seksiste që ai kishte bërë gjatë xhirimeve të një filmi në Korenë e Veriut, të cilat, kishin shkaktuar një skandal, sepse, ato i drejtoheshin, ndër të tjera, një vajze shumë të re që po hipte mbi kalë.

Aktori Gerard Depardje (Gérard Depardieu), i akuzuar për përdhunim dhe sulm seksual nga disa gra, u dënua në mesin e majit me 18 muaj burg me kusht për ngacmim dhe sulm ndaj dy grave gjatë xhirimeve të filmit “Volets Verts”, një film i xhiruar në vitin 2021.

Ai e ka apeluar dënimin.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit