PAPA LEO XIV-të ZHVILLOI BISEDË TELEFONIKE ME PRESIDENTIN E UKRAINËS VOLODIMIR ZELENSKI.

Vatikan | Bisedë telefonike midis Papa Leo XIV-të dhe Presidentit të Ukrainës, Volodimir Zelenski.

“Papa Leo XIV-të përsëriti afërsinë e tij me popullin ukrainas.

Takimi u përqendrua më pas në situatën humanitare, duke përsëritur urgjencën e sigurimit të ndihmës së nevojshme për popullsinë.

U përmendën përpjekjet që synojnë nxitjen e nismave humanitare, veçanërisht në lidhje me lirimin e të burgosurve.

Së fundmi, u rigjallërua shpresa se, me angazhimin dhe bashkëpunimin e bashkësisë ndërkombëtare, mund të arrihet sa më shpejt një ndërprerje e armiqësive dhe një paqe e drejtë dhe e qëndrueshme”.

Kështu raporton Selia e Shenjtë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit