PAPA LEO XIV-të U LUT NË PORTIN E BEJRUTIT NË TË CILIN NË VITIN 2020 NDODHI NJË SHPËRTHIM KU MBETËN TË VDEKUR MBI 200 VETA.

Beirut, Liban | Papa Leo XIV-të u lut në heshtje në portin e Bejrutit, ku pesë vjet më parë, më 4 gusht 2020, ndodhi një shpërthim i dyfishtë ku mbetën të vdekur mbi dyqind (200) veta; me mijëra ishin të plagosurit; një numër i madh njerëzish mbetën të pastrehë; me pasoja ekonomike që po vuen ende sot.

Papa Leo XIV-të vendosi një kurorë me lule në vendin e tragjedisë.

Në fund të përkujtimores, ai përshëndeti disa të afërm të viktimave të pranishëm dhe disa të mbijetuar të shpërthimit.

Të afërmit mbërritën në vendngjarje me fotografi të të dashurve të tyre që vdiqën në këtë ngjarje tragjike.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit