PAPA LEO XIV-të: SEKSI NUK MUND TË BËHET ARGËTIM DHE OBJEKTIFIKIM I SUBJEKTIT NJERËZOR; DUHET TË HIQET DORË NGA KULTURA E VDEKJES; INDIFERENTIZMIT; PËRBUZJES.

Vatikan | Papa Leo XIV-të u takua me një grup katekumenësh francezë dhe theksoi rëndësinë e heqjes dorë nga një kulturë vdekjeje kaq e përhapur në shoqërinë tonë.

“Kjo kulturë vdekjeje manifestohet sot në indiferencë, në përbuzje ndaj të tjerëve, në drogë, në ndjekjen e një jete të lehtë, në një seksualitet që bëhet argëtim dhe objektifikim i personit njerëzor, në padrejtësi.

Katekumenati është një udhëtim besimi që nuk mbaron me Pagëzimin, por vazhdon gjatë gjithë jetës, me momente gëzimi dhe momente vështirësie.

Ne nuk lindim të krishterë; bëhemi të krishterë kur prekemi nga hiri i Zotit.

Megjithatë, kjo prekje shprehet përmes zgjedhjeve tona të menduara me kujdes dhe qasjes sonë vetjake.

Pa këto kërkesa të vërteta, do të etiketohemi si të krishterë, por vetëm si të krishterë të komoditetit, rutinës ose rehatisë.

Ne bëhemi të krishterë autentikë kur lejojmë veten të prekemi personalisht në jetën tonë të përditshme nga fjala dhe dëshmia e Jezusit.

Në mes të mundimeve tuaja, momenteve të vetmisë dhe thatësirës, keqkuptimeve dhe lodhjes, zemrat tuaja qofshin të palëkundura në Atë që është ‘Rruga, e Vërteta dhe Jeta’, burimi i gjithë paqes, gëzimit dhe dashurisë”, përfundoi Papa Leo XIV-të.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit