PAPA LEO XIV-të: ATA QË BESOJNË NË PAQE SOT TALLEN DHE PËRJASHTOHEN NGA DISKURSI PUBLIK; MADJE AKUZOHEN PËR FAVORIZIM TË KUNDËRSHTARËVE DHE TË ARMIQVE.

Vatikan | “Në kushtet e pasigurisë dhe vuajtjes së botës së sotme, gëzimi do të dukej i pamundur.

Ata që sot besojnë në paqe dhe kanë zgjedhur rrugën e paarmatosur të Jezusit dhe të martirëve shpesh tallen, shtyhen jashtë diskutimit publik dhe shpesh akuzohen se favorizojnë kundërshtarët dhe armiqtë.

Megjithatë, të krishterët nuk kanë armiq, por vëllezër e motra, të cilët, mbeten të tillë edhe kur nuk e kuptojnë njëri-tjetrin”.

Kështu tha Papa Leo XIV-të në Engjëllin e Shën Shtjefnit (Stefanit), martirit të parë.

“Ajo e Shën Shtjefnit (Stefanit) është fytyra e dikujt që nuk largohet nga historia indiferent, por përballet me të me dashuri”, tha Papa Leo XIV-të.

“Misteri i Krishtlindjes, na sjell këtë gëzim; një gëzim të motivuar nga këmbëngulja e atyre që tashmë jetojnë në vëllazëri, e atyre që tashmë e njohin përreth tyre, edhe te kundërshtarët e tyre, dinjitetin e pashlyeshëm të bijve dhe bijave të Zotit.

Kjo është arsyeja pse Shtjefni (Stefani) vdiq duke falur, si Jezusi; për një forcë më të vërtetë se ajo e armëve”, Papa Leo XIV-të.

“Është një forcë e panevojshme, e pranishme tashmë në zemrën e secilit, e cila, riaktivizohet dhe komunikohet në mënyrë të papërmbajtshme kur dikush fillon ta shohë të afërmin e tij ndryshe, për t’i ofruar vëmendje dhe njohje.

Po, kjo po rilind, kjo po kthehet në dritë, kjo është Krishtlindja jonë”, tha Papa Leo XIV-të.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit