___.png)
OLSBERG; REPUBLIKA FEDERALE E GJERMANISË | ARTUR NDRECA (NGA RRËSHENI) DHE PLATIN BETI (NGA PEQINI) U PËRFSHINË NË AKSIDENT AUTOMOBILISTIK; SHKATËRRUAN DYQANIN E JANINA BOURIE DHE MICHAELA SALICE.
- Agjencia Telegrafike Vox
- 21 hours ago
- 2 min read
Olsberg, Republika Federale e Gjermanisë | Strukturat vendore të Policisë morën dijeni se:
1- Në një aksident automobilistik mbetën të plagosur:
a- Z. Artur Ndreca (nga Rrësheni).
b- Z. Platin Beti (nga Peqini).
Automjeti i tyre u përplas me vitrinën e një dyqani fustanesh nusërie gjatë natës.
Sipas policisë vendore, një nga tre personat që ndodheshin në të, është ende në gjendje kritike. Rrethanat e sakta të aksidentit janë ende të paqarta.
Automjeti doli nga rruga për arsye ende të panjohura dhe u përplas me vitrinat e dyqanit; i cili, ndodhet bash në cep të një rruge; automjeti theu dy vitrina dhe më pas u përplas me një mur. U përmbys.
Policia vendore tha se ekziston një urdhër arresti i vjetër për njërin nga pasagjerët për vepra penale të lidhura me vjedhjen me thyerje.
Dy nga tre pasagjerët u plagosën rëndë dhe u dërguan në spital.
Policia rrethoi rrugën në vendngjarje. Mbledhja e provave dhe hetimi i aksidentit janë duke u kryer. Policia aktualisht po kërkon dëshmitarë dhe informacione rreth aksidentit.
Sipas të dhënave penale paraprake ata (tre) po iknin dhe se sendet e gjetura në automjet tregojnë se kishin një motiv kriminal.
Policia vendore është vetëm në fillim të hetimit penal paraprak dhe po hesht në lidhje me këtë ngjarje kaq të rëndë.
Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments