OBSH-ja: TUNIZIA PLATFORMË RAJONALE PËR PRODHIMIN E VAKSINAVE.

Gjenevë, Konfederata e Zvicrës | Organizata Botërore e Shëndetësisë (OBSH) po e konsideron Tunizinë si një platformë referimi rajonale për prodhimin e vaksinave.

Kjo është ajo që doli në pah në kuadër të Asamblesë së 78-të Botërore të Shëndetësisë që po zhvillohet në Gjenevë, gjatë një takimi dypalësh midis ministrit të Shëndetësisë të Tunizisë, Mustafa Ferjani, dhe drejtorit të Përgjithshëm të OBSH-së, Tedros Adhanom Ghebreyesus.

Takimi, raporton ministria tuniziane në një njoftim për shtyp, u përqendrua në forcimin e bashkëpunimit midis Tunizisë dhe organizatës ndërkombëtare, me vëmendje të veçantë në krijimin e një kapaciteti lokal të prodhimit të vaksinave në vendin e Afrikës së Veriut.

Gjatë takimit, doli në pah se ministria e Shëndetësisë e Tunizisë po përfiton tashmë nga mbështetja e OBSh-së për të promovuar qasjen e integruar “Një Shëndet”, e cila, njeh ndërlidhjet midis shëndetit të njeriut, shëndetit të kafshëve dhe mjedisit.

Kjo qasje do të jetë në zemër të Forumit të ardhshëm Rajonal të Lindjes së Mesme dhe Afrikës së Veriut, që do të mbahet në Tunis më 14 dhe 15 qershor 2025.

Ministri Ferjani shfrytëzoi rastin për t'i përcjellë drejtorit të Përgjithshëm Ghebreyesus urimet e Presidentit Kais Saied për miratimin e fundit të marrëveshjes ndërkombëtare për parandalimin dhe menaxhimin e pandemive, duke nënvizuar kontributin aktiv të Tunizisë gjatë zhvillimit të saj, vazhdon i njëjti burim.

Drejtori Ghebreyesus shprehu vlerësim për kontributin e rëndësishëm të Tunizisë, duke iu referuar në veçanti diskutimeve të frytshme me presidentin Saied që nga viti 2020.

Një element kyç i diskutimit ishte marrëveshja e shpallur në Bruksel në muajin shkurt të vitit 2022, i cili, e sheh Tunizinë midis gjashtë vendeve të përzgjedhura për të përfituar nga një program transferimi teknologjik që synon prodhimin e vaksinave mRNA.

Në këtë kontekst, ministri Ferjani përsëriti angazhimin e vendosur të Tunizisë për të forcuar kapacitetin e saj të prodhimit në sektorin e vaksinave, me qëllim përmbushjen jo vetëm të nevojave kombëtare, por edhe atyre të rajonit më të gjerë afrikan.

Gjatë intervistës doli gjithashtu se OBSh-ja po planifikon të decentralizojë disa nga aktivitetet e saj jashtë selisë së saj në Gjenevë, dhe Tunizia është identifikuar si një vend me përparësi për të pritur këto seli të reja dhe për të zhvilluar më tej rolin e zyrës së saj lokale.

Ministri Ferjani më në fund i bëri një ftesë zyrtare drejtorit të Përgjithshëm Ghebreyesus për të vizituar Tunizinë për të marrë pjesë personalisht në Forumin Rajonal për Një Shëndet muajin e ardhshëm.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit