NË KOLUMBI U ZBULUA REZERVA MË E MADHE E GAZIT E NJOHUR NDONJËHERË NË HISTORINË E SAJ.

Bogota, Kolumbi | Kompanitë shtetërore të naftës të Kolumbisë, Ecopetrol dhe Brazilit, Petrobras, kanë konfirmuar se kanë bërë zbulimin më të madh të gazit në historinë kolumbiane në një pellg detar që ndodhet 77 kilometra larg bregut verior të vendit të Karaibeve, në një thellësi prej 830 metrash.

Sipas vlerësimeve nga konsorciumi i formuar nga Petrobras (operator me 44.44% të aksioneve) dhe Ecopetrol (me një pjesë 55.56%), pellgu ruan vëllime gazi që tejkalojnë 6 trilion këmbë kub (tcf).

Sasi të afta për të rritur rezervat aktuale të Kolumbisë me 200%.

Pritshmëritë e kompanive është të fillojnë prodhimin e gazit natyror brenda tre viteve nga marrja e të gjitha licencave mjedisore dhe konfirmimi i qëndrueshmërisë tregtare të zbulimit, që pritet deri në vitin 2027.

Konsorciumi është gati të investojë 1.2 miliardë dollarë në fazën e kërkimit dhe 2.9 miliardë dollarë në fazën e zhvillimit të prodhimit, fonde të përfshira tashmë në planin pesëvjeçar të Petrobras, i cili, pasi të jetë plotësisht funksional, pret të nxjerrë 13 milionë metra kub gaz në ditë, për të paktën 10 vjet.

Konsorciumi do të nisë gjithashtu aktivitetet e marrjes së të dhënave thelbësore për instalimin e tubacionit dhe transportin e gazit natyror nga fusha në njësinë e përpunimit të gazit në tokë, si dhe instalimin e sistemeve të prodhimit në shtratin e detit.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit