NJË TËRMET ME MAGNITUDË 6.1 GODITI TURQINË PERËNDIMORE | MEDIAT VENDORE RAPORTOJNË SE DISA NDËRTESA U SHEMBËN.

Ankara, Turqi | Një tërmet me magnitudë 6.1 goditi Sindirgi-në, provincën Balikesir (Turqia - Turkiye - perëndimore).

Agjencia Turke e Menaxhimit të Fatkeqësive (AFAD) raportoi tërmetin.

Tërmeti me magnitudë 6.1 që goditi Turqinë perëndimore u ndje në disa qytete perëndimore, përfshirë Stambollin dhe destinacionin turistik të Izmirit.

Autoritetet ende nuk kanë publikuar ndonjë raport për dëme ose viktima.

Disa ndërtesa u shembën në provincën Balikesir pas tërmetit, sipas imazheve të transmetuara nga mediat turke.

“Tërmeti goditi në orën 7:53 të mbrëmjes (6:53 pasdite GMT), i ndjekur nga një pasgoditje me magnitudë 4.6 disa minuta më vonë”, sipas Agjencisë Turke të Menaxhimit të Fatkeqësive (AFAD).

Të gjitha ekipet e AFAD-së dhe institucionet përkatëse filluan menjëherë kërkimet në terren.

“Deri më tani nuk është raportuar asnjë ngjarje e paparashikuar”, tha Ministri i Brendshëm Ali Jerlikaia (Yerlikaya) për rrjetin social virtual Iks (X).

Turqia është e përshkuar nga disa çarje gjeologjike që kanë shkaktuar fatkeqësi në të kaluarën.

Një tërmet në jugperëndim në shkurt të vitit 2023 vrau të paktën 53000 njerëz dhe shkatërroi Antakia-n, vendin e qytetit të lashtë të Antiokisë.

Kohët e fundit, në fillim të korrikut, një tërmet me magnitudë 5.8 në të njëjtin rajon la një të vdekur dhe 69 të plagosur.

Presidenti turk, Rexhep Taip Erdogan (Recep Tayyip Erdogan), u dërgoi një mesazh në rrjetin social virtual Iks (X) njerëzve të prekur nga tërmeti me magnitudë 6.1 që goditi Turqinë perëndimore.

“U shpreh urimet e mia më të mira të gjithë qytetarëve tanë të prekur nga tërmeti që goditi Balikesir dhe u ndje edhe në provincat tona rajonale.

Të gjitha institucionet përkatëse kanë ndërmarrë veprime dhe po miratojnë masat e nevojshme.

Po e monitorojmë nga afër situatën. Zoti e ruajt vendin tonë nga çdo lloj fatkeqësie”, shkroi ai.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit