NJË AUTOMJET U PËRPLAS NË PORTËN E AMBASADËS RUSE NË MOLDAVI | U ARESTUA DREJTUESI I AUTOMJETIT.

Kishinau, Moldavi | Mëngjesin e sotëm një makinë ka përplasur portën e Ambasadës së Federatës Ruse në Kishinau, të Moldavisë. Kështu bën të ditur agjencia e lajmeve “Moldpress”, sipas së cilës, policia konstatoi se një person që drejtonte një Mercedes ka goditur me makinën e tij portën e ambasadës, dhe më pas është larguar nga vendi i aksidentit. Sipas Inspektoratit të Përgjithshëm të Policisë, mjeti është lokalizuar menjëherë por pavarësisht disa kërkesave të policisë për ndalimin e mjetit, burri ka vazhduar rrugën duke përplasur dy makina të tjera gjatë rrugës, pa shkaktuar viktima. Burri u ndalua me forcë nga efektivët e policisë në lagjen Straseni.

© Copyright | Agjencia Telegrafike Vox