MINISTRI SAUDIT I MBROJTJES PRINCI KHALID BIN SALMAN: NËSE PRESIDENTI DANLLD TRAMP (DONALD TRUMP) NUK I ZBATON KËRCËNIMET E TIJ KUNDËR IRANIT REGJIMI DO TË BËHET MË I FORTË.

Uashington, Amerikë | Enti mediatik “Axios” raporton se ka pasur një ndryshim në qëndrimin e Arabisë Saudite ndaj sulmit të ShBA-ës ndaj Regjimit Islamik në Iran.

Ministri saudit i Mbrojtjes, Princi Khalid bin Salman (KBS), tha në një konferencë private të premten në Uashington se nëse Presidenti Tramp (Trump) nuk i zbaton kërcënimet e tij kundër Iranit, regjimi do të përfundojë më i fortë.

Pak momente më vonë, u njoftua se ShBA-ës kanë rënë dakord t'i shesin Arabisë Saudite raketa “Patriot” dhe pajisje të tjera me vlerë 9 miliardë $.

Marrëveshja mbulon 730 raketa “Patriot Advanced Capability-3 Missile Segment Enhancement (PAC-3 MSE)”.

Ajo gjithashtu përfshin komplete konvertimi të lëshuesve, pajisje mbështetjeje tokësore dhe shërbime logjistike.

Kontraktori kryesor, Lockheed Martin, do të shërbejë si kontraktori kryesor për shitjen.

Agjencia e Bashkëpunimit dhe Sigurisë së Mbrojtjes (DSCA) vuri në dukje se shitja synon të forcojë mbrojtjen e Arabisë Saudite kundër kërcënimeve aktuale dhe të ardhshme pa ndryshuar ekuilibrin ushtarak rajonal.

Ky miratim ishte pjesë e një njoftimi më të gjerë prej gati 16 miliardë dollarësh në shitje armësh, që përfshinte edhe 6.7 miliardë dollarë për Izraelin (duke përfshirë helikopterë Apache dhe automjete taktike).

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit