MBRETËRIA HASHEMITE E JORDANISË KREU SULME AJRORE KUNDËR RRJETEVE TË TRAFIKIMIT TË DROGËS NË SIRINË JUGORE.

Damask, Siri | Mediat shtetërore siriane raportojnë se ushtria jordaneze ka nisur sulme ajrore kundër asaj që ajo e quan rrjete të trafikimit të drogës në Sirinë jugore.

Transmetuesi shtetëror “Al-Ikhbariya” pretendon se ushtria jordaneze ka shënjestruar rrjete të trafikimit të drogës dhe depo magazinimi në fshatrat jugore dhe lindore të Sueidës.

Në një deklaratë, ushtria e Mbretërisë Hashemite të Jordanisë tha gjithashtu se kishte shënjestruar disa fabrika dhe punishte të përdorura nga tregtarët e armëve dhe drogës, por, pa specifikuar se ku.

Amani pretendon se ka neutralizuar trafikantë të dyshuar që pretendon se po organizonin operacione kontrabande armësh dhe droge në territorin jordanez.

“Vendet e identifikuara u shkatërruan bazuar në inteligjencë të saktë dhe në koordinim me partnerët rajonalë”, u tha në deklaratë.

Një banor i zonës kufitare, në fshatin jugor të Sueidës, i tha agjencisë franceze të lajmeve “Afp” duke folur në kushte anonimiteti, se bombardimi ishte jashtëzakonisht intensiv.

Gjatë luftës së gjatë civile siriane, përpara se diktatori Bashar al-Assad të humbiste pushtetin në dhjetor 2024, kaptagoni konsiderohej një burim kryesor financimi për qeverinë e tij.

Në Liban, aleati i Asadit, Hezbollahu, është akuzuar gjithashtu për përfshirje në tregtimin e kaptagonit për vetëfinancim.

Substanca është përhapur në të gjithë rajonin dhe vendet fqinje herë pas here kanë njoftuar sekuestrime dhe i kanë bërë thirrje Libanit dhe Sirisë të shtojnë përpjekjet për të luftuar trafikimin.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit