MBRETËRIA E BASHKUAR | BANKA E ANGLISË NJOFTOI SE DO TË HEQË PAMJEN E ISH-KRYEMINISTRIT UINSTON ÇËRÇILL (WINSTON CHURCHILL) NGA KARTËMONEDHAT DHE SE DO TA ZËVENDËSOJË ME NJË PAMJE KASTORI.

Londër, Mbretëria e Bashkuar | Një zemërim kundër-zgjim (woke) ka shpërthyer në të djathtën e Mbretërisë së Bashkuar për shkak të një njoftimi të Bankës së Anglisë se do të heqë nga kartëmonedhat britanike portretin e Sër Uinston Çërçillit (Sir Winston Churchill), ish-Kryeministrit që udhëhoqi fitoren ndaj nazistëve në Luftën e Dytë Botërore, së bashku me fytyra të tjera të mëdha nga historia e kombit, dhe se do t'i zëvendësojë portretet e tyre me shpendë (zogj) dhe me egërsira (kafshë të egra).

Në krye të kësaj ngjarjeje është kreu i partisë “Reform UK” Naixhll Farazh (Nigel Farage), i cili, kryeson në sondazhe dhe është gjithmonë i vëmendshëm ndaj mbrojtjes së krenarisë britanike.

Ai sulmoi bankën qendrore, duke e akuzuar atë për çmenduri të nxitur nga një teprim i ri i korrektësisë politike, i favorizuar nga qeveria laburiste e Kryeministri Keër Starmër (Keir Starmer).

Ish-zbuluesi i Brexit-it e shprehu indinjatën e tij në një video të postuar në rrjetin social virtual Iks (X).

“Kartëmonedhat tona të mëdha prodhohen nga Banka e Anglisë dhe paraqesin figura gjigante si Uinston Çërçill (Winston Churchill) dhe Xhein Osten (Jane Austen).

Megjithatë, ata propozojnë zëvendësimin e njerëzve si ai me pamjen e një kastori. Jo, nuk po e shpik këtë, kjo është pikërisht ajo që po propozojnë”.

Kështu tha politikani i djathtë Farazh (Farage) - duke e quajtur atë shembullin përfundimtar të sjelljes të zgjuar.

Por edhe Konservatorët u ngritën, duke ia besuar protestën ministrit në hije Aleks (Alex Burghart).

“Është thellësisht dëshpëruese që nën Partinë Laburiste, heronjtë tanë kombëtarë konsiderohen shumë përçarës për t'u përshkruar në kartëmonedha”, tha ai.

Ai premtoi gjithashtu se Konservatorët, nëse fitojnë zgjedhjet e ardhshme të përgjithshme, do ta sjellin Sër Uinstonin (Sir Winston) përsëri në kartëmonedha.

Opozita konservatore sulmoi gjithashtu drejtpërdrejt kryeministrin Starmër (Starmer), duke botuar një postim në profilin e partisë në mediat sociale virtuale ku shfaqej Kryeministri starmër (Starmer) i paraqitur në një kartëmonedhë pesë paundëshe nën maskën e një krimbi, duke tallur kështu ndryshimin pro-natural të bankës qendrore.

Institucioni britanik e mbrojti vendimin e tij, i cili, do t'i nënshtrohet ende një konsultimi publik, duke deklaruar se pamjet e jetës së egër, përveçse festojnë natyrën e vendit, janë shumë më të vështira për t'u falsifikuar.

Plani parashikon eliminimin gradual të figurave kombëtare si shkrimtarja Xhein Ostin (Jane Austen), piktori Uilliam Tërnër (William Turner) dhe matematikani Elln Tëring (Alan Turing), përveç ish-Kryeministrit Çërçill (Churchill), i cili, ka qenë gjithmonë në qendër të polemikave, nga kartëmonedhat 5, 10, 20 dhe 50 paund.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit