MALTË | PARTIA E PUNËS (LABURISTE) FITOI ZGJEDHJET PËR HERËN E KATËRT RADHAZI.

Valetë, Maltë | Partia e Punës (Laburiste) fitoi zgjedhjet legjislative malteze për herën e katërt radhazi që nga viti 2013.

“Ne kemi bërë histori duke fituar për herën e katërt radhazi. Le të qëndrojmë të bashkuar si një. Unë do të jem kryeministri i të gjithë qytetarëve”, tha Kryeministri Abela, duke folur për entin mediatik publik maltez “TVM”.

Udhëheqësi i Partisë Nacionaliste e qendrës së djathtë, në opozitë për 13 vjet, Aleks (Alex) Borg, me moshë 31 vjeç, i cili u emërua udhëheqës i opozitës tetorin e kaluar, pranoi humbjen zgjedhore.

“Populli ka folur dhe ne duhet t'i respektojmë dëshirat e tyre. Askush nuk duhet të zhgënjehet që ka votuar për ndryshim. Nuk është rezultati që donim, por dërgon një mesazh të qartë dhe ne do të vazhdojmë të punojmë për të qenë një alternativë e fortë për vendin”, tha ai.

Numërimi i votave është ende duke u zhvilluar, por epërsia e Partisë Laburiste ndaj Partisë Kombëtare vlerësohet në rreth 19 mijë vota, pothuajse e përgjysmuar krahasuar me votimin e vitit 2022.

Kryeministri Abela i shpalli zgjedhjet, pothuajse një vit përpara afatit, në muajin prill.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit