LAS VEGAS: TENISHË FINLEI (TANISHA FINLEY) DHE RODNEI FINLEI (RODNEY FINLEY) U VRANË NDËRSA ISHIN NË TRANSMETIM TË DREJTPËRDREJT NË YOUTUBE; SI DORAS U ARRESTUA MANUEL D. RUIZ.

Los Vegas, Amerikë | Dy veta u vranë të dielën në mbrëmje në një sulm me armë në Las Vegas Strip pranë shatërvanëve Bellagio, ndërsa po transmetohej drejtpërdrejt në kanalin e tyre në YouTube.

Viktimat, Tenishë Finlei (Tanisha Finley) dhe Rodnei Finlei (Rodney Finley), një çift 43 dhe 44-vjeçarësh, vdiqën nga plagë të shumta me armë zjarri.

Sipas policisë, sulmuesi, 41-vjeçari Manuel D. Ruiz, kishte qenë i përfshirë në një mosmarrëveshje të gjatë online me çiftin që filloi në vitin 2023.

Z. Ruiz u dorëzua vullnetarisht te autoritetet të hënën në mëngjes dhe tani akuzohet për vrasje të dyfishtë.

Ai tha se veproi në vetëmbrojtje, por oficerët nuk gjetën armë te viktimat.

Videoja, e përshkruar në raportin e policisë, tregon z. Ruiz duke nxjerrë një armë nga brezi dhe duke qëlluar të paktën pesë herë.

Telefoni që regjistron të shtënat bie në tokë dhe transmetimi i drejtpërdrejtë ndërpritet më vonë nga një oficer.

Djali i çiftit telefonoi 911 pasi dëgjoi të shtënat.

Z. Ruiz u tha hetuesve se ai po transmetonte edhe drejtpërdrejt në YouTube natën e sulmit.

Të shtënat ndodhën në një nga vendet më të ngarkuara të qytetit, shatërvanët e famshëm që kërcejnë që tërheqin miliona vizitorë çdo vit.

Viktimat.

Dorasi.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit