LAMTUMIRË HALLK (HULK) HOGAN; LEGJENDA GLOBALE E MUNDJES; MBËSHTETËS I FLAKTË I PRESIDENTIT TRAMP (TRUMP).

Klliëruotër (Clearwater), Florida, Amerikë | Një legjendë globale e mundjes, por edhe një ikonë e lëvizjes MAGA; një mbështetës i madh i Presidentit Danlld Tramp (Donald Trump).

Z. Hallk (Hulk) Hogan, i lindur si Teri Xhin (Terry Gene) Bollea, vdiq në moshën 71 vjeçare nga një atak kardiak në shtëpinë e tij në Klliëruotër (Clearwater), Florida.

Fytyra e kulturës pop amerikane të viteve 1980, me shaminë e tij, mustaqet e tij bionde si peroksid dhe britmën e tij: “Çfarë do të bësh kur Hulkamania të të pushtojë”?

Ai mishëroi një figurë të tepruar që i tejkaloi kufijtë e ringut për t'u bërë një legjendë.

“Sot humbëm një mik të shkëlqyer; ‘The Hulkster’; Halk (Hulk) Hogan ishte Maga përgjithmonë: i fortë, këmbëngulës, inteligjent, por me një zemër të madhe”, shkroi Presidenti Danlld Tramp (Donald Trump) në rrjetin social virtual “Truth”, duke komentuar vdekjen e legjendës së mundjes.

“Ai mbajti një fjalim absolutisht elektrizues në Konventën Kombëtare Republikane, një nga pikat kulmore të të gjithë javës.

Ai argëtoi tifozë nga e gjithë bota dhe ndikimi kulturor që pati ishte i jashtëzakonshëm.

Gruas së tij, Saki (Sky), dhe familjes së tij, ngushëllimet dhe dashuria jonë më e thellë. Hallk (Hulk) Hogan do të na mungojë shumë”, shkroi ai.

Një fans i madh i Presidentit Danlld Tramp (Donald Trump), ai mbështeti menjëherë presidentin e ardhshëm të Shtëpisë së Bardhë me fizikun e tij imponues, dhe në Konventën e fundit Kombëtare Republikane, ai e grisi këmishën e tij në një gjest që ishte ikonik për të.

Ai, i cili kishte një dozë gjaku italian, ishte gjithashtu shumë popullor në Itali. I lindur në Augusta, Xheorxha (Georgia), Hogan filloi si basist përpara se të zbulohej nga një promotor i mundjes në Florida, ku ishte zhvendosur me prindërit e tij.

Pasi filloi me promovime të vogla, ai arriti famë globale kur iu bashkua WWF (tani World Wrestling Entertainment, promovimi kombëtar i disiplinës) në fillim të viteve 1980, duke e sjellë mundjen profesionale nga palestra në dhomat e ndenjes së televizioneve globale.

Karizma e tij në TV, fiziku i tij i skalitur me mbi 1.8 metra gjatësi dhe 134 kg, dhe stili i tij teatral e bënë shpejt Hallkun një yll.

Nën promotorin Vince McMahon, ai u bë një ikonë e vërtetë ndërgjeneracionale, simboli i Halkamania-s, pjesërisht falë ndeshjeve legjendare si WrestleMania I në vitin 1985, të cilat çimentuan famën e tij në Olimpin e argëtimit sportiv.

Në Madison Square Garden, përkrah Z. T dhe me Muhammad Ali si arbitër special të ftuar, Hogan e udhëhoqi WWE-në në një epokë të re, duke kombinuar sportin, argëtimin dhe nacionalizmin në një gjest të vetëm teatral nga i cili z. Tramp (Trump) kishte shumë për të mësuar.

Përtej ringut, u bë gjithashtu një fytyrë e njohur në film dhe televizion, duke luajtur në filma të tillë si “Suburban Commando”, “Mr. Nanny” dhe serialin “Thunder in Paradise”.

Aftësitë e tij në aktrim e çuan shpejt në Hollivud, ku debutoi në ekranin e madh duke luajtur rolin e mundësit Thunderlips në filmin Rocky III të vitit 1982.

Aktori Silvestër (Sylvester) Stallone, i cili, më vonë do ta fuste atë në Sallën e Famës së WWE në vitin 2005, tha se gjatë një skene në të cilën ai u hodh në turmë, Hogan dërgoi katër kaskaderë në kujdes intensiv.

Një rol i rregullt në emisione talk show, reklama dhe madje edhe vizatime, për shumë fëmijë që u rritën në vitet 1980 dhe 1990, ai u bë një superhero prej mishi e gjaku.

Megjithatë, jeta e tij private nuk ishte pa polemika; një divorc shumë i publikuar; skandale ligjore; publikimi i një videoje seksuale nga media Gawker e sollën atë në qendër të polemikave publike.

Kjo kulmoi me përjashtimin e tij të përkohshëm nga WWE në vitin 2015 dhe një padi në të cilën miliarderi Peter Thiel, një tjetër mbështetës i madh i z. Tramp (Trump), mbështeti kauzën e tij dhe pagoi shpenzimet e tij ligjore.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit