KRYEMINISTRJA XHORXHA (GIORGIA) MELONI: ITALIA DO TË KUJDESET PËR ODESËN; QYTET SIMBOLIK UKRAINAS.

Romë, Itali | “Për të rindërtuar një komb të shkatërruar nga lufta, paratë, inxhinierët, arkitektët dhe punëtorët nuk janë të mjaftueshëm.

Nevojitet diçka më shumë, ndjenja se populli ukrainas ka treguar se di më shumë se kushdo tjetër: dashuria për atdheun, dashuria për lirinë, vullneti për të siguruar një të ardhme me prosperitet dhe mirëqenie për fëmijët e tyre”.

Kryeministrja e Republikës së Italisë Xhorxha (Giorgia) Meloni e tha këtë në fjalimin e saj në seancën plenare të Konferencës për Rimëkëmbjen e Ukrainës në Romë.

“Pa dashuri për atdheun, çdo gjë që bëjmë humbet kuptimin e saj.

Nuk është rastësi që Italia ka zgjedhur të trajtojë disa nga simbolet dhe vendet që përbëjnë mozaikun e identitetit të kombit ukrainas: vendi është Odessa, simbolet janë Katedralja e Shpërfytyrimit, Filarmonia, Muzeu i Arteve të Bukura, perla të një trashëgimie të shkëlqyer kulturore që na përket neve si evropianë dhe që ne, si evropianë, duam ta mbrojmë në mënyrë që t'ua kalojmë atyre që vijnë pas nesh”.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit