KRYEMINISTRI IZRAELIT BENJAMIN NETANJAHU: PRESIDENTI AL AHMED AL-SHARAA U KTHYE NGA SHBA-ës PLOT VETËBESIM; AI DËSHIRON TË SJELLË FORCAT RUSE NË KUFI.

Jeruzalem, Izrael | “Kryeministri izraelit Benjamin Netanjahu thuhet se tha se presidenti sirian Ahmed al-Sharaa u kthye nga udhëtimi i tij në Shtëpinë e Bardhë këtë javë besimplotë dhe më i guximshëm”.

Transmetuesi izraelit “Kan” raportoi se Kryeministri Netanjahu e bëri deklaratën gjatë një takimi të Kabinetit të Sigurisë mbrëmë.

“Al-Jolani (pseudonimi i luftës i Al-Sharaa) u kthye nga Uashingtoni plot me veten. Ai po fillon të bëjë të gjitha llojet e gjërave që ne nuk do t'i pranojmë dhe dëshiron të sjellë forcat ruse në kufi”, thuhet se tha kryeministri Netanjahu.

“Ai u kthye duke mbajtur një aromë të mirë”, thuhet se tha Ministri i Mbrojtjes Israel Kac (Katz), duke iu referuar momentit kur Presidenti i ShBA-ës Danlld Tramp (Donald Trump) spërkati Presidentin Al-Sharaa me parfum.

Forcat izraelite kanë zënë disa pozicione në Sirinë jugperëndimore që nga rënia e regjimit të diktatorit Bashar al-Assad gati një vit më parë, një masë që Tel Avivi e ka quajtur të përkohshme për arsye sigurie.

Edhe pse Uashingtoni është i etur të normalizojë marrëdhëniet midis Izraelit dhe Sirisë në planin afatgjatë, Siria po kërkon së pari një marrëveshje sigurie, me kusht që forcat izraelite të tërhiqen nga territori i saj.

Duke folur për entin mediatik amerikan “Washington Post”, Presidenti Al Sharaa shpjegoi se gjatë takimit të së hënës me Presidentin Tramp (Trump), ai vuri në dukje se presidenti amerikan gjithashtu mbështet perspektivën tonë dhe do të shtyjë sa më shpejt të jetë e mundur për të arritur një zgjidhje në këtë drejtim.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit