KRYEMINISTRI GREK RIORGANIZOI QEVERINË PAS ZGJEDHJEVE EUROPIANE | VOTUESIT E NDËSHKUAN PËR SHKAK TË RRITJES SË KOSTOS SË JETESËS.

Athinë, Greqi | Kryeministri grek, Qirjakos Micotaqis (Kyriakos Mitsotakis), vazhdoi me riorganizimin e qeverisë së tij konservatore pas rezultatit të zgjedhjeve europiane, në të cilat partia Demokracia e re (Nea Dimokratia) u vendos si forca kryesore politike, por nuk arriti objektivin e caktuar prej 33%, d.m.th. rezultat i zgjedhjeve të mëparshme evropiane.

Për më tepër, konservatorët morën 28% të dielën e kaluar, shumë më poshtë se 40% e mbështetjes që fituan vetëm një vit më parë në zgjedhjet kombëtare.

Siç bëri të ditur zëdhënësi i qeverisë, Pavlos Marinakis, është emëruar ministri i ri i Zhvillimit, Takis Theodorikakos, ndërsa Ministrja e re e Punës është zgjedhur Niki Kerameus.

Dëshira për një ndryshim brenda dy ministrive u motivua nga fakti se rritja e kostos së jetesës është një nga shqetësimet kryesore që ndikoi në votën e grekëve dhe penalizoi qeverinë në qendrat e votimit, shkruan gazeta Përditshmëria (Kathimerini).

Ministri i Financave Kostis Haxhidhaqis (Hatzidakis) u emërua ministër i ri i Bujqësisë, Nikos Panagiotopoulos mori postin e ministrit të Emigracionit dhe Azilit dhe z. Thodoris Livanios u zgjodh si ministër i Brendshëm.

“Është detyra ime të dekodoj mesazhin (të votuesve grekë) dhe të vazhdoj me veprimet korrigjuese”, deklaroi kryeministri grek për televizionin Alfa (Alpha), pas rezultateve të zgjedhjeve europiane.

https://shorthand.com/the-craft/best-paywall-providers/index.html

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit