KRITIKOI LUFTËN NË UKRAINË | VDES ZV/MINISTRI I SHKENCËS NË RUSI.

Moskë, Federata Ruse | Një politikan rus ka vdekur për shkaqe ende të panjohura, pasi u sëmur në një avion, më e fundit vdekje, në një varg vdekjesh misterioze në mesin e parisë politike (por jo vetëm) të Moskës. Është zëvendësministri i Shkencës Pjotër Kuçerenko (Pyotr Kucherenko), 46 ​​vjeç, i cili u sëmur rëndë gjatë një fluturimi nga Havana të shtunën dhe vdiq në kthim. Familjarët folën për arrest kardiak, por gazetari Roman Super, i cili u largua nga Rusia menjëherë pas pushtimit të Ukrainës, tha në rrjetin shoqëror virtual “Telegram”, se ai foli me Kuçerenkon “disa ditë” para se të ikte, duke thënë se zëvendësministri - një kritik i luftës - kishte frikë për sigurinë e tij. Kuçerenko u ndje i sëmurë ndërsa ishte në një aeroplan me një delegacion rus që kthehej nga një udhëtim pune në Kubë. Aeroplani u ul në qytetin Mineralnye Vody, ku mjekët u përpoqën të jepnin ndihmë, tha ministria në një deklaratë, duke shtuar se ministri mund të të mos shpëtohet. Familja e Kuçerenkos tha se vdekja e tij mund të ishte shkaktuar nga një problem në zemër, por po presin rezultatet e një autopsie të planifikuar për nesër. Duke folur për gazetarët sot, zëdhënësi i Kremlinit Dmitri Peskov (Dmitry Peskov) tha se nuk e dinte shkakun e vdekjes së Kuçerenkos. Sipas gazetarit Roman Super, në bisedën e tyre të fundit që daton në shkurt 2022, ministri i kërkoi atij që “të largohej sa më shpejt”, dhe të ikte nga një vend ku shteti është “brutal”. Sipas reporterit, Kureshenko tha se merrte antidepresantë dhe qetësues, flinte pak dhe se “të gjithë janë marrë peng, askush nuk mund të thotë asgjë, përndryshe do të shtypemi menjëherë si insekte”. Dhe se ai nuk mundi të arratisej sepse zyrtarëve rusë u ishin hequr nga pasaportat. Kuçerenko gjithashtu dyshohet se e quajti pushtimin e Ukrainës “fashist”.