KRETË: U ZBULUA NJË MONUMENT RRETHOR MINOAN ME DIAMETËR 48 METRA | 3700 VJET I VJETËR.

Kretë, Greqi | Gjatë punimeve për ndërtimin e një aeroporti të ri në ishullin grek të Kretës, u gjet një monument rrethor që besohet se daton nga qytetërimi Minoan i Epokës së Bronzit.

“Kjo është një gjetje unike dhe shumë interesante”, ka sqaruar ministrja e Kulturës Lina Mendoni, raporton gazeta greke “Përditshmëria” (Kathimerini).

Vendi u gjet në majën e kodrës Papoura në veriperëndim të qytetit të Kastelit, ku po punohet për një aeroport të ri ndërkombëtar.

Në rreth 494 metra mbi nivelin e detit, në vendin ku do të instalohej sistemi i radarit të aeroportit, u gjet një ndërtesë rrethore prej guri, me një diametër rreth 48 metra, dhe një sipërfaqe prej përafërsisht 1800 metra katrorë, e cila shtrihet në tetë unaza.

Vendi, ndoshta i përdorur për rituale fetare, do të kishte qenë aktiv më shumë se 3700 vjet më parë.

Pas zbulimit, ministrja e Kulturës mori pjesë në një takim për riorganizimin e kantierit, në mënyrë që puna e vazhdueshme të vazhdojë pa cenuar truallin dhe duke lejuar arkeologët ta studiojnë atë.

“Ka zgjidhje që gërmimi arkeologjik të përfundojë dhe monumenti të mbrohet”, sqaroi ministrja Mendoni.

Qytetërimi Minoan daton në epokën e bronzit dhe u ngrit në ishullin e Kretës nga afërsisht 2700 deri në 1400 para Krishtit.

https://shorthand.com/the-craft/best-paywall-providers/index.html

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit

Want to read more?

Subscribe to 007vox.com to keep reading this exclusive post.

Subscribe Now