KREMLINI: PAJTOHEMI ME QËNDRIMIN E PRESIDENTIT DANLLD TRAMP (DONALD TRUMP) SE PRESIDENTI VOLODIMIR ZELENSKI PO PENGON PROCESIN E PAQES NË UKRAINË.

Moskë, Federata Ruse | “Kremlini pajtohet me qëndrimin e Presidentit Danlld Tramp (Donald Trump) se Presidenti ukrainas Volodimir Zelenski po pengon procesin e paqes në Ukrainë”.

Kështu deklaroi zëdhënësi i presidentit rus, Dmitri (Dmitry) Peskov.

“Mund të biem dakord për këtë. Kjo është pikërisht e saktë”, tha zëdhënsi Peskov, i cituar nga agjencia ruse e lajmeve “Tass”.

“Presidenti Vladimir Putin dhe pala ruse mbeten të hapura”, shtoi zëdhënësi i Kremlinit.

“Qëndrimi i palës ruse është i njohur mirë si për negociatorët amerikanë ashtu edhe për Presidentin Tramp (Trump). Është i njohur mirë për Kievin dhe udhëheqjen e regjimit të Kievit. Ky qëndrim është konsistent”, theksoi ai.

Zëdhënësi Peskov deklaroi se kishte ardhur koha që Presidenti ukrainas Volodimir Zelenski të marrë përgjegjësi për marrjen e vendimeve që ndihmojnë paqen.

Ai e bëri këtë deklaratë gjatë një konference për shtyp.

“Vitin e kaluar, ne thamë se, sigurisht, ishte koha e pjekur që Presidenti Zelenski të merrte përgjegjësi dhe të merrte vendimin e duhur. Deri më tani, Kievi nuk e ka bërë këtë”, tha ai.

Zëdhënësi i Putinit deklaroi gjithashtu se Moska ende nuk ka marrë një përgjigje nga Uashingtoni ndaj iniciativës së Presidentit rus Vladimir Putin për të zgjatur kufizimet e armëve të vendosura nga “New START” për një vit tjetër përtej skadimit të traktatit.

“Ne po presim një përgjigje ndaj iniciativës së Presidentit Putin dhe e konsiderojmë këtë një çështje shumë të rëndësishme.

Ne besojmë se, sigurisht, një dokument më i favorshëm, një marrëveshje më e favorshme, do të ishte e nevojshme për të gjithë.

Por arritja e një marrëveshjeje të tillë është një proces shumë kompleks dhe që kërkon kohë”, tha ai, duke komentuar komentet e Presidentit të ShBA-ës Danlld Tramp (Donald Trump) mbi këtë çështje.

“Një zgjidhje më e favorshme është e nevojshme për të gjithë, por arritja e saj nuk është aq e lehtë”, tha zëdhënësi Peskov.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit