KREMLINI PADITI BASHKIMIN EVROPIAN NË GJYKATËN E ARBITRAZHIT NË MOSKË; KËRKON DËMSHPËRBLIM PËR TË PRETENDUARAT SI DËME FINANCIARE TË SHKAKTUARA NGA NGRIRJA E ASETEVE RUSE.

Moskë, Federata Ruse | “Federata Ruse po ndërmerr veprime ligjore nëpërmjet Gjykatës së Arbitrazhit për të rikuperuar dëmet që vijnë nga ngrirja e aseteve ruse në Bashkimin Evropian”.

Kështu tha Drejtori i Departamentit për Çështjet Evropiane të Ministrisë së Punëve të Jashtme Ruse, Vladislav Maslennikov, në një intervistë me agjencinë ruse të lajmeve “Tass”.

“Mund të them se në dhjetor 2025, Banka e Rusisë paraqiti një padi në Gjykatën e Arbitrazhit të Qytetit të Moskës për kompensim për dëmet e shkaktuara nga pamundësia për të disponuar fondet që i përkasin shtetit rus.

Vendi ynë, përfshirë edhe nëpërmjet Ministrisë së Punëve të Jashtme, do të vazhdojë të ndjekë kthimin e aseteve të mbajtura në mënyrë të paligjshme në Bashkimin Evropian.

Duke ngrirë rezervat sovrane ruse dhe asetet e investitorëve privatë në Federatën Ruse, Bashkimi Evropian ka shkelur të drejtën ndërkombëtare dhe është paraqitur para komunitetit botëror si një partner jashtëzakonisht i pabesueshëm.

Ne e konsiderojmë çdo veprim të paligjshëm kundër aseteve ruse si vjedhje, ndaj të cilit vendi ynë do të përgjigjet në mënyrë të përshtatshme”, tha ai.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit