KORE E VERIUT | DIKTATORI KIM JONG-un BËRI THIRRJE PËR ANGAZHIM PËR TË FORCUAR MË TEJ AFTËSITË BËRTHAMORE PËR TË TEJKALUAR PJESËN TJETËR TË BOTËS; POPULLIN E KA PA BUKË.

Phenian, Kore e Veriut | “Udhëheqësi i Koresë së Veriut, Kim Jong-un, ka bërë thirrje për një angazhim për të forcuar më tej aftësitë bërthamore të vendit të tij me qëllimin për të tejkaluar pjesën tjetër të botës”.

Kështu raportoi Agjencia Qendrore Koreane e Lajmeve (KCNA), e cituar nga enti mediatik koreanojugor “Yonhap”.

Partia e Punëtorëve të Koresë mblodhi të shtunën takimin e dytë plenar të Komitetit të saj të nëntë Qendror, një takim tre-ditor i kryesuar nga diktatori Kim Jong Un.

Takimi vlerësoi progresin e politikave të vendit në gjysmën e parë të vitit dhe mori në shqyrtim axhendën e përcaktuar në një kongres të madh të partisë të mbajtur në shkurt.

Takimi riafirmoi angazhimin e Koresë së Veriut për zgjerimin e forcave të saj bërthamore, duke i përshkruar ato si thelbi i sovranitetit ushtarak të vendit dhe gurthemeli i zbatimit të strategjisë së parandalimit ose luftës.

Raporti thotë se seanca plenare vendosi unanimisht se ushtrimi i plotë i pozicionit të një shteti me armë bërthamore është mënyra më e saktë dhe e vetme për t'u përballur në mënyrë aktive dhe me besim me situatën e paparashikueshme ushtarake dhe politike ndërkombëtare, e cila po bëhet gjithnjë e më e ndërlikuar në shumë aspekte.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit