KOMENTET E KRYEMINISTRIT BENJAMIN NETANJAHU SE TURQIA PO PËRPIQET TË RINGJALLI PERANDORINË SHKAKTUAN REAGIM TË ASHPËR NË ANKARA.

Athinë, Greqi | Vërejtjet e kryeministrit izraelit Benjamin Netanjahu në lidhje me përpjekjet për të ringjallur një perandori kanë shkaktuar një reagim të ashpër nga Turqia, duke shtuar marrëdhëniet tashmë të tendosura, ndërsa Greqia po monitoron nga afër takimin e tij të pritur me Presidentin e ShBA-ës Danlld Tramp (Donald Trump0 në Mar-a-Lago.

Athina i sheh bisedimet Netanjahu-Tramp (Trump) si të rëndësishme për diplomacinë rajonale dhe pret që Turqia të ketë një rol të spikatur.

Greqia, së bashku me Izraelin dhe Qipron, po promovon Korridorin Ekonomik Indi-Lindje e Mesme-Evropë, i njohur si IMEC, si një projekt i përafruar me mendimin më të gjerë strategjik të ShBA-ës dhe një mjet për të tërhequr interesin e Uashingtonit.

Ankaraja reagoi ashpër ndaj komenteve të Kryeministrit Netanjahut, të bëra gjatë takimit trepalësh të së hënës, në Jeruzalem, midis udhëheqësve të Greqisë, Qipros dhe Izraelit.

Drejtori i komunikimit presidencial turk, Burhanettin Duran, tha të martën se ishte ironike që udhëheqësit izraelitë të flasin për ambiciet imperiale të të tjerëve në këtë rajon, ndërsa ata vetë sapo kanë kryer një nga gjenocidet më të këqija në histori.

Ai e përshkroi Izraelin si një forcë destabilizuese dhe i hodhi poshtë shqetësimet izraelite mbi ndikimin e Turqisë si thjesht qesharake.

Z. Duran tha se Turqia nën Presidentin Rexhep Tajip Erdogan ka qenë një burim stabiliteti dhe paqeje dhe akuzoi qeverinë e Kryeministrit Netanjahut se po sjell gjak dhe lot në rajon dhe po ruan ambiciet territoriale në Palestinë dhe Siri.

Shqetësimet izraelite shtrihen përtej retorikës, deri te roli i Ankarasë në Siri dhe Gazë, ku Izraeli këmbëngul se nuk do të lejohet vendosja e asnjë trupe turke.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit