KOLUMBI | ISH-PRESIDENTI I DJATHTË ALVARO URIBE ËSHTË NËN HETIM PENAL PARAPRAK PËR MASAKRAT E VITEVE 1990.

Bogotë, Kolumbi | Zyra e prokurorit të Kolumbisë njoftoi të enjten se po heton ish-presidentin konservator Alvaro Uribe, politikan me ndikim të konsiderueshëm, për përfshirjen e tij të dyshuar në masakrat e kryera nga paraushtarakët gjatë viteve më të këqija të luftës civile.

Ai u thirr për të dëshmuar në lidhje me ngjarjet që lidhen me formimin e një organizate paraushtarake në Antiokuia, në Kolumbinë veriperëndimore, gjatë kohës së tij si guvernator, nga viti 1995 deri në vitin 1997.

Ai akuzohet gjithashtu për përfshirje në masakrat e kryera nga paraushtarakët në fshatrat La Granja në vitin 1996 dhe El Aro në vitin 1997.

Sipas një deklarate nga zyra e prokurorit, ai akuzohet për krimet e krijimit dhe komplotit me rrethana rënduese dhe vrasjeve të personave të mbrojtur.

Ai dyshohet se ka lehtësuar dhe inkurajuar veprimin e një strukture të armatosur, e cila përdori si bazë një pronë në Huatksarakas, në pronësi të familjes Uribe Velez në atë kohë.

Ish-presidentit do t'i kërkohet gjithashtu të përgjigjet në pyetje në lidhje me vrasjen e vitit 1998 të mbrojtësit të të drejtave të njeriut Jesus Maria Valle Jaramillo, i cili kishte denoncuar reagimin joefektiv të guvernatorit të atëhershëm ndaj masakrave.

Ai urdhëroi një ofensivë të përgjithshme kundër rebelëve gjatë dy mandateve të tij në detyrë (2002-2010) dhe është përballur me akuza për vite me radhë për lidhje me organizatat paraushtarake të ekstremit të djathtë, të cilat ai i mohon.

Në muajin gusht të vitit 2025, ai u dënua me 12 vjet arrest shtëpiak për përpjekje për të korruptuar dëshmitarë për të shmangur lidhjen me paraushtarakët e ekstremit të djathtë të përfshirë në luftën e përgjakshme kundër guerilëve të krahut të majtë në Kolumbi.

Megjithatë, një gjykatë në Bogota e rrëzoi atë dënim dhe çështja tani i është referuar Gjykatës së Lartë.

Ky proces i gjatë ligjor filloi pasi senatori i krahut të majtë Ivan Kepeda(Cepeda) paraqiti ankesa në parlament.

Ky i fundit është tani kandidat presidencial, duke u përballur në raundin e dytë nesër të dielën me kandidatin e të ashtuquajturës të djathtë ekstreme, Abelardo de la Esprieja, një avokat milioner i cili është mbështetur publikisht, ndër të tjerë, nga ish-presidenti Uribe.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit