KARAKAS | GRUPET PARAUSHTARAKE TË NJOHURA SI “COLECTIVOS” (TË LIDHURA ME PARTINË SOCIALISTE TË BASHKUAR TË VENEZUELËS) SULMUAN FIZIKISHT NËNAT + MOTRAT + BASHKËSHORTET E TË BURGOSURVE POLITIKË.

Karakas, Venezuelë | Në Venezuelë, paraushtarakë të veshur civilë sulmuan një grup nënash, grash dhe motrash të të burgosurve politikë, të cilat, po mbanin një tubim jashtë Gjykatës Supreme në Karakas gjatë natës.

Organizatat e të drejtave të njeriut e kanë denoncuar incidentin.

Vigjilja u organizua nga anëtarë të familjeve dhe aktivistë që i përkasin “Komitetit të Nënave në Mbrojtje të së Vërtetës”, të cilat, u mblodhën në një shesh përpara gjykatës në qendër të kryeqytetit.

“Nënat u sulmuan me sende të mprehta dhe u shqelmuan nga anëtarë të një grupi paraushtarak”, raportoi OJQ-ja Provea.

Këto grupe, të quajtura “Colectivos”, janë të lidhura me Partinë Socialiste të Bashkuar të Venezuelës dhe organizatat e saj, dhe akuzohen për shkelje të rënda të të drejtave të njeriut në forumet ndërkombëtare.

“Parrulat e ngritura përpara selisë së Gjykatës u shkatërruan dhe shumë nga protestuesit ishin viktima të vjedhjeve dhe sulmeve të tjera”, tha “Provea”.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit