KANCELARI GJERMAN FRIDRISH MERC (FRIEDRICH MERZ): JAM KUNDËR FLAMURIT YLBER NË PARLAMENTIN GJERMAN; PARLAMENTI GJERMAN NUK ËSHTË CIRK.

Berlin, Republika Federale e Gjermanisë | “Bundestagu nuk është tendë cirku”, tha kancelari gjerman Fridrish Merc (Friedrich Merz), në përgjigje të një pyetjeje në lidhje me vendimin e presidentes së Parlamentit gjerman Julia Klokner (Kloeckner) për të mos ngritur flamurin e ylberit gjatë Paradës së Krenarisë në Berlin.

Për kancelarin Merc (Merz) vendimi i saj është i drejtë.

Në një parapamje të agjencisë së lajmeve “DPA”, të intervistës me Kancelarin në programin Maischberger, në kanalin e parë gjerman, e cila, do të transmetohet sonte, në orën 22:50, Kancelari Merc (Merz) përsëriti:

1- “Po flasim për Parlamentin Gjerman. Dhe në Parlamentin Gjerman, nuk janë vetëm flamuj të rastësishëm që ngrihen çdo ditë, por edhe flamuri kombëtar gjerman dhe flamuri evropian”.

Në vitet e kaluara, gjatë Paradës së Krenarisë, flamuri i ylberit ngrihej së bashku me flamujt zyrtarë gjermanë dhe të Bashkimit Evropian, një zakon që Presidentja Klokner (Kloeckner) deshi ta thyente këtë vit.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit