JEMEN | IRANI U KA KËRKUAR HUTHIVE TË PËRGATITEN PËR MBYLLJEN E DETIT TË KUQ (NGUSHTICËN BAB EL-MANDEB).

Sanë, Jemen | “Irani u ka bërë thirrje rebelëve Huthi të Jemenit që të jenë të gatshëm të bllokojnë rrugën e naftës në Detin e Kuq nëse Shtetet e Bashkuara sulmojnë infrastrukturën energjetike iraniane”.

Kështu raportoi agjencia kanadeze e lajmeve Rojtërs (Reuters), duke cituar tre burime.

Një burim pranë Huthi-ve tha se grupi kishte përfunduar përgatitjet për të sulmuar anijet tregtare duke vendosur raketa dhe dronë pranë Ngushticës Bab el-Mandeb, porta hyrëse për në Detin e Kuq, në malësitë e Jemenit me pamje nga Hodeida dhe Gjiri i Adenit, dhe po priste urdhrin për të filluar.

Sipas një burimi pranë Huthi-ve, përfaqësuesit e Korpusit të Gardës Revolucionare Islamike të Iranit, tashmë të pranishëm në Jemen, do të vendosin se kur do ta mbyllin Ngushticën Bab el-Mandeb.

Kërcënimi për kalimin e Detit të Kuq përmes Ngushticës Bab el-Mandeb mund të përkeqësojë krizën globale të energjisë të shkaktuar nga mbyllja e Ngushticës së Hormuzit, duke bllokuar njëkohësisht dy rrugët kryesore të eksportit të naftës nga Lindja e Mesme.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit