IZRAEL | MINISTRI I MBROJTJES ISRAEL KAC (KATZ): NUK DO TË TËRHIQEMI NGA LIBANI EDHE NËSE NA E KËRKOJNË SHBA-ës.

Jeruzalem, Izrael | Ministri i Mbrojtjes, Israel Kac (Katz), tha se Izraeli nuk do t'i tërheqë forcat e tij nga Libani jugor edhe nëse ka një kërkesë amerikane.

“200 mijë banorë nuk do të kthehen”, tha ministri Kac (Katz), duke iu referuar libanezëve që u larguan për shkak të pushtimit dhe sulmeve të Izraelit.

“Ajo që ndodhi në të kaluarën në zonat e sigurisë, ku kishte edhe një popullsi civile, ishin bomba buzë rrugës dhe sulme ndaj ushtarëve, dhe kjo është arsyeja pse ne nuk do ta lejojmë këtë. Ne nuk do të tërhiqemi”, tha ai.

Nën negociata është plani amerikan për tërheqjen e Forcave të Armatosura Izraelite nga Libani jugor, i cili është një nga kushtet në marrëveshjen SHBA-Iran.

Sipas zyrtarëve izraelitë dhe libanezë, një propozim i mbështetur nga ShBA-ës po diskutohet në bisedimet izraelito-libaneze.

Propozimi përcakton, sipas të njëjtave burime, që forcat izraelite do t'i dorëzojnë ushtrisë libaneze një pjesë të territorit që pushtuan gjatë luftës me Hezbollahun.

Zyrtarët izraelitë thanë se forcat libaneze të përfshira do t'i nënshtroheshin trajnimit dhe shqyrtimit nga SHBA-të për t'u siguruar që nuk kishin lidhje me Hezbollahun, i cili mbështetet nga Irani, ndërsa Izraeli do të mbante një prani ushtarake në një zonë sigurie përgjatë kufirit.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit