IZRAEL | MINISTRI I MBROJTJES ISRAEL KAC (KATZ): KONTROLLI I ÇËSHTJEVE CIVILE TË BREGUT PERËNDIMOR KALON NGA FORCA MBROJTËSE E IZRAELIT (IDF) TE POLICIA.

Jeruzalem, Izrael | “Ministri i Mbrojtjes, Israel Kac (Katz) ka urdhëruar Forcën Mbrojtëse të Izraelit (IDF) të përgatisë një plan për të transferuar të gjitha përgjegjësitë e zbatimit të ligjit në lidhje me çështjet civile në vendbanime dhe midis popullsisë izraelite në Jude dhe Samari (Bregu Perëndimor) te policia izraelite”.

Kështu njoftoi zyra e ministrit të Mbrojtjes Kac (Katz).

“Detyra e IDF-së është të luftojë terrorizmin palestinez dhe të përqendrohet në mbrojtjen e kufijve dhe vendbanimeve nga kërcënimet.

E gjithë përgjegjësia për zbatimin e ligjit civil dhe ruajtjen e rendit dhe ligjit do t'i transferohet policisë”.

Kështu tha ministri Kac (Katz), i cili dje zhvilloi një takim mbi situatën në Bregun Perëndimor me Shefin e Shtabit, Shefin e Drejtorisë së Operacioneve, Shefin e Inteligjencës Ushtarake dhe komandantë të tjerë.

“Nuk është detyrë e IDF-së, dhe as nuk ka kapacitet, të merret me zbatimin e ligjit civil në Jude dhe Samari, duke pasur parasysh rritjen e pritur dhe pozitive të numrit të kolonëve izraelitë pas vendimeve në lidhje me krijimin e 104 vendbanimeve të reja dhe rregullimin e fermave bujqësore, nga njëra anë, dhe kërcënimet dhe sfidat në rritje të sigurisë me të cilat po përballet IDF, nga ana tjetër”, - tha ministri Kac (Katz).

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit