ISH-PRESIDENTI TRAMP U DEKLARUA I PAFAJSHËM PËR 91 AKUZA PENALE NË NIVEL FEDERAL DHE SHTETËROR.

Atlanta, Gjeorgji, Amerikë | Ish-presidenti i SHBA Donald Trump u deklarua i pafajshëm për 13 akuza shtetërore, dje (të enjten), në një gjykatë në Atlanta, në Gjeorgji (Georgia). Z. Tramp (Trump) hoqi dorë nga e drejta e tij për t'u paraqitur në gjyqin e tij të planifikuar më 6 shtator, duke zgjedhur në vend të kësaj të deklarohet i pafajshëm nga gjykata, duke paraqitur akuzat në lidhje me rolin e tij në ndërhyrjen e hamendësuar në zgjedhje, gjatë procesit të zgjedhjeve presidenciale të Gjeorgjisë, në SHBA, në vitin 2020. Ai pranoi se ai ka të drejtë të paraqitet për një akuzë zyrtare, sipas ligjit të shtetit të Gjeorgjisë. Nëse ai do të shfaqej, një gjykatës do ta kishte këshilluar për akuzat penale, që janë në pritje kundër tij, dhe z. Tramp (Trump) do të kishte pranuar deklarimin e tij fajtor ose jofajtor. Ai, megjithatë, hoqi dorë nga kjo e drejtë të enjten, duke shpjeguar se ai është në dijeni të akuzave, dhe ka folur me avokatin e tij për to. Më 14 gusht 2023, një juri e madhe e Gjeorgjisë e paditi z. Tramp (Trump), së bashku me 18 të tjerë, për komplot për të ndërhyrë në procesin zgjedhor të Gjeorgjisë, gjatë zgjedhjeve presidenciale të vitit 2020 në SHBA. Z. Tramp (Trump) aktualisht përballet me 13 akuza penale, duke përfshirë: a) Një shkelje të Aktit të Organizatave të Ndikuara dhe të Korruptuara nga Raketuesit e Gjeorgjisë (RICO); b) Tre akuza për kërkesë të shkeljes së betimit nga një nëpunës publik; c) Një akuzë e komplotit për të kryer imitimin e një zyrtari publik; ç) Dy akuza për komplot për të kryer fallsifikim në shkallën e parë; d) Dy akuza për komplot për të kryer deklarata dhe shkrime të rreme; dh) Dy akuza të tjera për kryerjen e vërtetë të deklaratave dhe shkrimeve të rreme; e) Një akuzë e komplotit për të kryer paraqitjen e dokumentave false; ë) Një akuzë për paraqitjen e dokumenteve false.

Ai tani është deklaruar i pafajshëm për të 13-a akuzat.

Për shkak se ai u deklarua i pafajshëm, akuzat do të vazhdojnë të shqyrtohen në gjyq, në një gjykatë të shtetit të Xhorxhias, ku Prokurori i Qarkut Fulton, Fani Uillis (Fani Willis) do të udhëheqë ndjekjen penale kundër z. Tramp (Trump).

Megjithëse ende nuk është caktuar data e gjykimit, z. Uillis (Willis) ka sinjalizuar se do të dëshironte që gjyqi të fillonte më 4 mars 2024.

Për shkak të konflikteve të planifikimit me çështjet e tjera ligjore në pritje të z. Tramp (Trump), dhe sfidat e vendit të zhvillimit, nga të paktën një prej 18 bashkëpunëtorëve të z. Tramp (Trump), gjyqtari mund të zgjedhë një datë të mëvonshme gjykimi.

Përveç akuzave për ndërhyrje në zgjedhje në Gjeorgji, z. Trump përballet gjithashtu me tre çështje të tjera penale, dhe dy çështje civile.

Një nga dy rastet federale kundër z. Tramp (Trump) ndodhet në Florida. Në atë rast, prokurorët federalë pretendojnë se ai ka keqpërdorur dokumente të klasifikuara të qeverisë.

Rasti tjetër federal ndodhet në Uashington DC, dhe përqendrohet rreth ndërhyrjes së pretenduar në zgjedhje të z. Trump, në zgjedhjet presidenciale të 2020-ës, në SHBA.

Ai gjithashtu përballet me një çështje penale në Nju Jork, bazuar në paraqitjen e tij të hamendësuar të të dhënave të fallsifikuara të biznesit, gjatë fushatës së tij presidenciale të vitit 2016.

Me paraqitjen e së enjtes, z. Tramp (Trump) tani është deklaruar i pafajshëm për 91 akuza penale, në nivel shtetëror dhe federal. Nga z. Erton Duka.

© Copyright | Agjencia Telegrafike Vox