IRANI NJOFTOI SE VARI NË LITAR TRE VETA QË I AKUZOI SI TË LIDHUR ME SHËRBIMIN E INTELIGJENCËS SË JASHTME TË IZRAELIT (MOSAD).

Teheran, Iran | Irani njoftoi sot se kishte varur tre burra që besohet se ishin spiunë që punonin për Izraelin, një ditë pasi hyri në fuqi një armëpushim i brishtë midis Republikës Islamike dhe shtetit hebre.

“Idris Ali, Azad Shojai dhe Rasoul Ahmad Rasoul, të cilët u përpoqën të importonin pajisje vrasjeje në vend, u arrestuan dhe u gjykuan për bashkëpunim me regjimin sionist.

Dënimi u ekzekutua këtë mëngjes dhe ata u varën”, tha gjyqësori iranian.

Ekzekutimet u kryen në Urmia, një qytet në veriperëndim pranë Turqisë, thanë autoritetet iraniane, duke publikuar foto të tre burrave të veshur me uniforma blu burgu.

Të hënën, një burrë tjetër, që besohet gjithashtu se ka lidhje me Mossad-in (Shërbimin e Inteligjencës së Jashtme të Izraelit, u var nga Teherani).

Irani njofton rregullisht arrestimin dhe ekzekutimin e agjentëve që besohet se punojnë për shërbimet sekrete të vendeve të huaja, përfshirë armikun e tij të betuar, Izraelin.

Qeveria iraniane premtoi të dielën të përshpejtojë gjyqet pas ofensivës së nisur nga shteti hebre më 13 qershor.

“Rastet që lidhen me sigurinë, duke përfshirë mbështetjen për regjimin uzurpator dhe veprimin si kolonë e pestë për armikun, do të trajtohen më shpejt”, tha për televizionin shtetëror Kryetari i Gjyqësorit Gholamhossein Mohseni Ejei.

Sipas OJQ-ve, Irani kryen numrin më të lartë të ekzekutimeve pas Kinës.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit