IRAN | PROTESTUESJA ANTIQEVERITARE BITA HEMATI DHE BASHKËSHORTI I SAJ MOHAMMADREZA MAXHID (MAJID) ASL U DËNUAN ME VDEKJE (ME VARJE NË LITAR).

Teheran, Iran | Regjimi iranian po përgatitet të ekzekutojë gruan e parë për pjesëmarrje në protestat e janarit, një nga afërsisht 1600 të dënuarit me vdekje nga Republika Islamike vitin e kaluar.

“Bita Hemati u dënua me vdekje me varje për një sërë akuzash, duke përfshirë përdorimin e eksplozivëve dhe armëve, hedhjen e objekteve si blloqe betoni, pjesëmarrjen në demonstrata dhe minimin e sigurisë kombëtare”.

Kështu u tha në një njoftim për shtyp të lëshuar të martën nga Këshilli Kombëtar i Rezistencës së Iranit (NCRI) i opozitës.

Bashkëshorti i saj, z. Mohammadreza Maxhid (Majid) Asl, me moshë 34 vjeç, dhe dy burra të tjerë, Behrouz dhe Kourosh Zamaninezhad, të cilët, jetonin me të, u dënuan gjithashtu me vdekje pas një gjyqi të shkurtuar dhe pasuritë e tyre u konfiskuan.

Një datë ekzekutimi nuk është njoftuar ende.

I pandehuri i pestë, i afërmi i Hematit, Amir Hemati, u dënua me gati gjashtë vjet burg për komplot dhe bashkëpunim kundër sigurisë kombëtare, si dhe propagandë kundër regjimit.

“Rezistenca Iraniane u bën thirrje edhe një herë Kombeve të Bashkuara, organizatave ndërkombëtare përkatëse dhe mbrojtësve të të drejtave të njeriut që të ndërmarrin veprime të menjëhershme për të shpëtuar jetën e të burgosurve të dënuar me vdekje, veçanërisht të burgosurve politikë dhe atyre të arrestuar gjatë kryengritjes”, tha NCRI-ja në një deklaratë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit