IRAN | PRESIDENTI MASUD (MASOUD) PEZESHKIAN: DIALOGU ËSHTË NË RREGULL; POR MOS NA DETYRONI TË NËNSHTROHEMI.

Teheran, Iran | “Presidenti Masud (Masoud) Pezeshkian tha sot se Teherani mbështet dialogun konstruktiv me Shtetet e Bashkuara, por nuk do të lejojë veten të detyrohet të nënshtrohet”.

Kështu raportoi enti mediatik disident iranian me seli në Londër “Iran International”.

“Irani nuk kërkon luftë apo paqëndrueshmëri dhe gjithmonë i ka kushtuar rëndësi dialogut dhe angazhimit konstruktiv me vendet e tjera”, tha ai gjatë një vizite në një qendër shërbimesh emergjente në Teheran.

“Çdo përpjekje për të imponuar vullnetin e dikujt ose për ta detyruar vendin të nënshtrohet është e dënuar me dështim”, shtoi ai.

“Irani nuk do ta pranojë kurrë një qasje të tillë”, tha Presidenti Pezeshkian.

“Për çfarë krimi dhe me çfarë autorizimi u kryen sulmet kundër vendit tonë? Çfarë justifikimi ka, sipas ligjit ndërkombëtar dhe parimeve humanitare, për shënjestrimin e civilëve dhe qendrave jetësore”, tha Presidenti Masud (Masoud) - i cituar nga agjencia shtetërore e lajmeve “Irna”.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit