I DËRGUARI I SHTËPISË SË BARDHË STIV UITKOF (STEVE WITKOFF) MOHOI SE HAMASI E KA PRANUAR PROPOZIMIN PËR MARRËVESHJE.

Uashington, Amerikë | I dërguari i Shtëpisë së Bardhë, Stiv Uitkof (Steve Witkoff), mohoi pretendimet e Hamasit se kishte pranuar ofertën për një marrëveshje për lirimin e pengjeve dhe për të shpallur një armëpushim në Gaza.

“Ajo që kam dëgjuar deri më tani nga Hamasi ka qenë zhgënjyese dhe plotësisht e papranueshme”, tha z. Uitkof (Witkoff) për agjencinë e lajmeve “Walla”.

Ai shtoi se Izraeli e ka pranuar propozimin e tij.

Sipas të dërguarit, armëpushimi do të çojë në negociata kuptimplote drejt një armëpushimi të përhershëm.

“Kam rënë dakord të udhëheq negociatat, ekziston një marrëveshje në tryezë dhe Hamasi duhet ta pranojë atë”, tha ai.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit