HUNGARI | MINISTRIA E BRENDSHME: NUK DO TË PRANOJMË MIGRANTË TË DËRGUAR NGA VENDE TË TJERA TË BASHKIMIT EVROPIAN.

Budapest, Hungari | “Ne i thamë jo emigracionit të paligjshëm.

Qeveria e bëri të qartë para zgjedhjeve dhe e ka përsëritur vazhdimisht që kur erdhi në pushtet se Hungaria nuk do të pranojë emigrantë të paligjshëm.

Gjatë negociatave për Paktin e Bashkimit Evropian, ne e bëmë të qartë se nuk mbështesim as zhvendosjen e bazuar në kuota dhe as idenë që Hungaria duhet të paguajë një kontribut financiar në vend të pritjes”.

Kështu njoftoi ministria e Brendshme, duke theksuar politikën e saj të tolerancës zero.

“Ne nuk do të lejojmë që emigrantët e paligjshëm të vendosen në Hungari pas vendimeve të marra nga vendet e tjera”, - tha ministria e Brendshme, ndërsa hapi mundësinë (të parashikuar nga rregullat e reja të Bashkimit Evropian) për të ofruar ndihmë teknike për vendet veçanërisht të ekspozuara, nëse është e nevojshme.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit