GREQI | U KRYE CEREMONIA MORTORE E KËNGËTARIT DHE KOMPOZITORIT DHIONISIS SAVOPULOS (DIONYSIS SAVVOPOULOS).

Athinë, Greqi | Qindra veta të pikëlluar ndoqën procesionin mortor të këngëtarit dhe kompozitorit Dhionisis Savopulos (Dionysis Savvopoulos), të shtunën, duke i dhënë një lamtumirë emocionale legjendës së muzikës, i cili, vdiq më 7 tetor, në moshën 80 vjeçare.

Turma ndoqi arkivolin e tij drejt Varrezave të Para të Athinës, pasi mijëra njerëz i bënë homazhe ndërsa trupi i tij u vendos në Katedralen Metropolitane.

“Dhionisis Savopulos (Dionisis Savvopulos) nuk pranoi kurrë një post publik”, theksoi kryeministri Qirjakos Micotaqis (Kyriakos Mitsotakis) në fjalimin e tij lavdërues në katedrale, duke shtuar se:

1- “Ai është një nga të paktët që, ndërsa na argëtoi, na përcaktoi.

Ai ishte kronografi i udhëtimit grek për më shumë se gjysmë shekulli.

Trashëgimia e tij është pjesë e kujtesës sonë kolektive”.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit