GJYKATËSI AMERIKAN ÇARLS BREIËR (CHARLES BREYER) I NDALOI PRESIDENTIT DANLLD TRAMP (DONALD TRUMP) VENDOSJEN E GARDËS KOMBËTARE NË LOS ANXHELOS.

Los Anxhelos, Amerikë | Një gjykatës në Shën Françesk (San Francisko) ka vendosur që vendosja e Gardës Kombëtare nga presidenti Danlld Tramp (Donald Trump) në Los Anxhelos ishte e paligjshme.

Vendimi i gjyqtarit Çarls Breiër (Charles Breyer) përfaqëson një fitore të rëndësishme për guvernatorin demokrat të Kalifornisë, Gavin Njusm (Newsom).

“Veprimet e presidentit Danlld Tramp (Donald Trump) ishin të paligjshme dhe tejkaluan autoritetin e tij, duke shkelur Amendamentin e Dhjetë të Kushtetutës së SHBA-ës.

Prandaj, presidenti duhet t'ia kthejë menjëherë kontrollin e Gardës Kombëtare të Kalifornisë guvernatorit të shtetit”, shkroi gjykatësi në vendimin e tij prej 36 faqesh.

Departamenti i Drejtësisë kërkoi që urdhri të pezullohej në një dosje gjyqësore.

“Ky është një ndërhyrje e jashtëzakonshme në autoritetin kushtetues të presidentit si komandant i përgjithshëm për të thirrur Gardën Kombëtare kur është e nevojshme për të mbrojtur zyrtarët federalë”, thuhet në padi.

“Veprimi i gjykatësit është gjithashtu një ndërhyrje në autoritetin statutor që rezervon fuqinë e presidentit për të mobilizuar Rojet Kombëtare të shtetit për shërbim federal”, thuhet atje.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit