GJYKATA E MOSKËS URDHËROI ARRESTIMIN NË MUNGESË TË JULIA NAVALNIAS (YULIA NAVALNAYA).

Moskë, Federata Ruse | Një gjykatë në Moskë ka urdhëruar arrestimin në mungesë të znj. Julia Navalnia (Yulia Navalnaya) me akuzën e përfshirjes në një grup ekstremist.

Kështu shkruan enti mediatik RIA Novosti, duke cituar shërbimin për shtyp të gjykatës.

“Gjykata ka zgjedhur masën parandaluese në formë të paraburgimit për 2 muaj. Periudha llogaritet nga momenti i ekstradimit në territorin e Federatës Ruse ose nga momenti i ndalimit në territorin e Federatës Ruse”, njofton gjykata.

Gjykata sqaroi se znj. Navalnia (Navalnaya) ishte vendosur në listën e kërkimit ndërkombëtar sepse ajo u fsheh nga autoritetet hetimore.”

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

https://shorthand.com/the-craft/best-paywall-providers/index.html

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit