FSHATI GJORICË; BULQIZË | BANORËT DENONCOJNË SE U GËNJYEN; U KËRKUA VETËM 1 HA TOKË POR U MUAR 42.5 HA; PATI SHERR MES PALËVE.

Fshati Gjoricë, Bulqizë, Shqipëri | Banorët protestojnë kundër fillimit të punimeve të ndërtimit të parku fotovoltaik, i cili pretendohet se kaluar të gjithë procedurat administrative.

Banorët u përfshinë në sherr me subjektin që ka marrë përsipër zbatimin e projektit të ndërtimit.

Ata denoncuan se kishin dhënë miratimin vetëm për vetëm 1 hektar tokë ndërkohë që u janë marrë 42,5 hektarë.

Për shkak të sherrit mes palëve ndërhynë strukturat vendore të Policisë së Shtetit.

Deklaratë | “Jemi përfaqësues të firmës, kemi një kontratë me investitorin … bashkëngjitur me kontratën është vendimi i KKT-së për lejen e ndërtimit”, - tha përfaqësuesi i subjektit tregtar.

Deklaratë | “Kjo është e vetmja kullotë që ka fshati.

Nëse merret për panele, bagëtitë mbeten pa hapësirë dhe familjet tona pa burimin kryesor të jetesës”, - thanë banorët.

Subjekti tregtar “Solar Park Gjoricë” i është paraqitur publikut si kompania e licensuar për këtë veprimtari tregtare.

Ajo rezulton se është themeluar në muajin nëntor të vitit 2023 nga z. Sokol Tasha.

Më vonë, me 8 prill të vitit 2024, rreth 97% e aksioneve të shoqërisë tregtare iu transferuan kompanisë “Gjonaj Group Holdings”.

Administrator aktualisht rezulton z. Arben Margilaj.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit