FRANCË | PROKURORIA E PARISIT KËRKON QË ILLN MASK (ELON MUSK) TË PARAQITET MË 20 PRILL; BRIGADA KUNDËR KRIMIT KIBERNETIK BASTISI DEGËN E “X FRANCE”.

Paris, Francë | “Illn Mask (Elon Musk), pronari i rrjetit social virtual Iks (X) dhe ish-drejtoresha ekzekutive e rrjetit social, Linda Jakarino (Yaccarino), janë thirrur në një seancë dëgjimore të lirë më 20 prill nga zyra e prokurorit të Parisit”.

Kështu njoftoi zyra e prokurorit francez në një deklaratë.

Brigada franceze kundër krimit kibernetik bastisi degën e rrjetit social virtual Iks (X) në Francë si pjesë e hetimit penal paraprak të nisur në Francë mbi algoritmet e dyshimta të përdorura nga Iksi (X) dhe Grok-u.

Sistemi francez i drejtësisë penale ka hetuar funksionimin e rrjetit social virtual (më parë Twitter) që nga fillimi i vitit 2025, pas një raporti nga deputeti i Presidentit Emanuel Makron, i quajtur Erik (Éric) Bothorel (Ansemble!) më 12 janar 2025.

Kërkimi në selinë e “X France” po kryhet nga njësia e krimit kibernetik, në bashkëpunim me agjentët e Europol-it, për të shqyrtuar në veçanti funksionimin e algoritmeve të Iksit (X).

Entiteti ligjërisht përgjegjës për rrjetin social ndodhet në Irlandë.

“X France” merret vetëm me komunikimet dhe marrëdhëniet me publikun.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit