___.png)
FRANCË | PRESIDENTI EMANUEL MAKRON: NDALUAM NJË ANIJE CISTERNË NAFTE TË LIDHUR ME RUSINË.
- Agjencia Telegrafike Vox
- Jun 25
- 1 min read
Paris, Francë | “Franca ndaloi një anije cisternë nafte të lidhur me Rusinë në brigjet e Siçilisë në fillim të kësaj jave”.
Kështu tha presidenti Emanuel Makron në rrjetin shoqëror virtual Iks (X).
“Të martën, marina franceze hipi në cisternën e naftës Deliver ndërsa ajo po kalonte tranzit pranë brigjeve të Siçilisë, në shkelje të ligjit detar”, tha ai, duke shtuar se anija ishte i lidhur me të ashtuquajturën flotë në hije të Moskës, e përdorur për të anashkaluar sanksionet perëndimore të vendosura pas pushtimit të Ukrainës nga Rusia në vitin 2022.
“Anija me flamur kamerunian, e cila po lundronte nga Primorsk-u i Rusisë, u shoqërua nga marina franceze në një vend ankorimi për inspektim të mëtejshëm”, thanë autoritetet detare.
Që nga shtatori, Franca ka kryer inspektime në bordin e katër anijeve të tjera që besohet të jenë të flotës në hije ruse, përfshirë një në fund të majit në Atlantik me ndihmën e Mbretërisë së Bashkuar dhe partnerëve të tjerë.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments