FRANCË | AGJENCIA NDËRKOMBËTARE E ENERGJISË (IEA): TREGJET JANË TË TENSIONUARA; LIRIMIN I MENJËHERSHËM I REZERVAVE NË AZI DHE OQEANI; EVROPA DHE AMERIKA DO TË DUHET TË PRESIN DERI NË FUND TË MARSIT.

Paris, Francë | Rezervat strategjike të naftës të lëshuara nga vendet anëtare të Agjencisë Ndërkombëtare të Energjisë (IEA) do të jenë të disponueshme menjëherë në Azi dhe Oqeani, ndërsa fuçitë e destinuara për Evropën dhe Amerikën do të jenë të disponueshme vetëm nga fundi i marsit.

Agjencia e njoftoi këtë pasi mori planet e zbatimit nga shtetet anëtare.

“Nga 16 marsi e tutje, kjo sjell vëllime shtesë të paprecedentë të naftës në treg”, tha Drejtori Ekzekutiv i IEA-s, Fatih Birol, në një postim në rrjetin social virtual Iks (X) - duke shtuar, megjithatë, se hapja e Ngushticës së Hormuzit është thelbësore për një kthim në flukse të qëndrueshme.

Blerësit aziatikë janë më të varurit nga furnizimet e Lindjes së Mesme, duke e bërë shpejtësinë e lëshimit të rezervave veçanërisht të rëndësishme për rajonin.

Javën e kaluar, IEA e quajti situatën aktuale ndërprerjen më të madhe të furnizimit me naftë në histori, pas luftës në Lindjen e Mesme që në fakt ka bllokuar Ngushticën e Hormuzit.

Kontratat e ardhshme të naftës u mbyllën mbi 100 dollarë për fuçi të premten, më 13 mars, me tregjet që presin një javë të trazuar.

Në një nivel gjeopolitik, kriza energjetike është e lidhur drejtpërdrejt me përshkallëzimin ushtarak midis Shteteve të Bashkuara dhe Iranit.

Në javët e fundit, Uashingtoni ka goditur disa objekte dhe vende ushtarake iraniane me sulme ajrore, duke përfshirë zonat pranë terminaleve kryesore të naftës, ndërsa Teherani është përgjigjur me sulme me raketa dhe kërcënime për sigurinë e transportit detar në Gjirin Persik.

Pika më kritike mbetet Ngushtica e Hormuzit, një portë strategjike për tregtinë globale të naftës bruto.

Në këtë kontekst, lirimi i koordinuar i rezervave strategjike nga vendet e IEA-s ka për qëllim kryesisht të stabilizojë përkohësisht tregun dhe të kompensojë një pjesë të mungesës së furnizimeve.

Megjithatë, pa një ulje të konfliktit dhe rihapje të plotë të Ngushticës së Hormuzit, analistët paralajmërojnë se rezervat vetëm sa do të zbusin ndikimin afatshkurtër të krizës në sistemin global të energjisë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit