FJALA E PLOTË E SË NGARKUARËS ME PUNË NË AMBASADËN E SHBA-ës NË SHQIPËRI NENSI (NANCY) VANHORN NË FBI - TRAJNIMI CAST.

Tiranë, Shqipëri | Faleminderit, Rektor Mandro, Kryeprokuror i Posaçëm Braho dhe Drejtor Keta, që u bashkuat me ne për të shënuar fundin e këtij trajnimi të rëndësishëm.

Dhe dua të falënderoj gjithashtu kolegët tanë në FBI-së, Brendon Kallins (Brendan Collins) dhe Kala, është kënaqësi t'ju shoh përsëri, Xhëu (Joe) Daneff nga Ekipi i Anketës së Analizës Qelizore të FBI-së, për ndarjen e ekspertizës suaj.

Pra, kushdo që ndjek Ambasadën Amerikane këtu në Shqipëri e di se luftimi i krimit të organizuar dhe trafikimit të narkotikëve janë përparësi kryesore për ne.

Dhe kur Presidenti Tramp (Trump) bëri thirrje për eliminimin total të krimit të organizuar transnacional, ai theksoi se këta kriminelë përdorin sjellje “komplekse adaptive”, duke krijuar kërcënime të jashtëzakonshme dhe në zhvillim e sipër për sigurinë tonë kombëtare.

Dhe siç tha Sekretari Rubio, organizatat kriminale dhe terroriste transnacionale, veçanërisht ato të përfshira në trafikimin e drogës, janë kërcënimi më i madh për sigurinë e ShBA-ës në Hemisferën Perëndimore, ku këto grupe po destabilizojnë shtetet kombëtare dhe po çojnë në migrim masiv.

Dhe ne do të ndjekim pa pushim prioritetet e Presidentit Tramp (Trump) në Shqipëri, duke forcuar institucionet që luftojnë krimin e organizuar dhe trafikun e narkotikëve, si SPAK, NBI dhe Akademia e Sigurisë.

Rrjetet kriminale, përfshirë grupet shqiptare që bashkëpunojnë me kartelet latino-amerikane të përmendura nga Sekretari Rubio, përbëjnë kërcënime të konsiderueshme për sigurinë dhe përparimin ekonomik të Shqipërisë përmes aktiviteteve të tilla si trafiku i drogës dhe pastrimi i parave.

Dhe siç e keni parë përmes këtij kursi, ky lloj krimi mundësohet përmes teknologjisë moderne.

Dhe nëpërmjet këtij trajnimi, ju tani keni mjete të reja hetimore dhe aftësi analitike për të shfrytëzuar të dhënat mobile në hetimet penale.

Kjo përmirëson hetimet tuaja, duke siguruar gjithashtu respektimin e standardeve më të larta ligjore dhe etike.

Dhe tani keni pajisje dhe aftësi të reja për hetime të përmirësuara që do të çojnë në më shumë ndjekje penale dhe dënime më të forta të kriminelëve të organizuar.

Pra, urime për përfundimin e këtij kursi dhe faleminderit që më lejuat të jem me ju sot.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit