FEDERATA RUSE | MINISTRI I JASHTËM SERGEI LAVROV: NËSE EVROPA DO TË NA SULMONTE KONFLIKTI DO TË ISHTE SHUMË I SHKURTËR.

Moskë, Federata Ruse | “Nëse Evropa, e cila flet çdo ditë për përgatitjen për luftë, do të sulmonte Federatën Ruse, do të ishte një luftë krejtësisht e ndryshme dhe shumë e shkurtër”.

Kështu tha ministri i Jashtëm Sergei Lavrov, duke folur në Festivalin Ndërkombëtar të Rinisë në Jekaterinburg.

“Theksoj se nuk kemi interes të angazhohemi në këtë”, - shtoi ministri Lavrov, i cituar nga agjencia vendore e lajmeve “Ria Novosti”, duke përsëritur një ndjenjë të shprehur tashmë nga presidenti Vladimir Putin.

“Dhe jam i bindur se arritja e këtyre qëllimeve, të formuluara nga presidenti Putin, jo vetëm që do të ndihmojë në zgjidhjen e kësaj krize, por edhe do të përmirësojë situatën në të gjithë kontinentin euroaziatik”, - tha ai më tej.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit