EKUADOR | PRESIDENTI DANIEL NOBOA NJOFTOI ARRESTIMIN NË MBRETËRINË E SPANJËS TË DREJTUESIT TË ORGANIZATËS KRIMINALE “LOS LOBOS” PIPO ÇAVARRIA (CHAVARRIA).

Kuito, Ekuador | “E kërkuam deri në fund të ferrit”, tha Presidenti i Ekuadorit Daniel Noboa.

Në ditën e referendumit të thirrur nga Presidenti Daniel Noboa - me pyetje të rëndësishme mbi çështjet e sigurisë - Ekuadori po ngre dolli për arrestimin e shefit të organizatës kriminale “Los Lobos”, Pipo Çavarria (Chavarria), krimineli më i kërkuar i rajonit.

Vetë kreu i shtetit ekuadorian Daniel Noboa e njoftoi lajmin në një postim në rrjetet sociale virtuale, duke falënderuar policinë spanjolle për bashkëpunimin.

“Krimineli ishte shtirur si i vdekur ndërsa kishte ndryshuar identitetin dhe fshihej në Evropë, duke vazhduar të urdhëronte vrasje në Ekuador dhe duke kontrolluar trafikun e drogës së bashku me kartelin meksikan Jalisco Nueva Generacion”, tha Presidenti Noboa.

“Sot mafia po tërhiqet. Ekuadori ka fituar”, tha ai.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit