EKUADOR: PRESIDENTI DANIEL NOBOA DO TË MARRË ZYRTARISHT DETYRËN | 93 DELEGACIONE NGA MBARË BOTA TË PRANISHËM NË PËRURIMIN E PRESIDENCËS SË TIJ.

Kuito, Ekuador | Inaugurimi i Presidentit të Ekuadorit, Daniel Noboa.

Ceremonia e marrjes së detyrës do të shënohet nga një prani e madhe protokollare dhe diplomatike, me 93 delegacione ndërkombëtare të konfirmuara, të përbëra nga mbi 200 zyrtarë qeveritarë.

Eventi, i cili, do të mbahet në Pallatin Legjislativ, shënon fillimin e mandatit të parë të plotë të presidentit Noboa, duke udhëhequr degën ekzekutive nga muaji nëntor i vitit 2023 deri në përfundimin e mandatit të papërfunduar të ish-presidentit Guillermo Lasso.

Ministria e Jashtme e vendit të Amerikës së Jugut tha se kjo do të ishte ceremonia me praninë më të madhe ndërkombëtare në historinë e kohëve të fundit të vendit.

Presidentja e Perusë, Dina Boluarte, i Kolumbisë, Gustavo Petro, nënkryetarët e El Salvadorit, Feliks (Félix) Ulloa, dhe të Republikës Dominikane, Rakuel (Raquel) Peña, do të jenë të pranishëm, si dhe ministra, zëvendësministra dhe nënsekretarë të më shumë se 50 vendeve, përfshirë Shtetet e Bashkuara, Kanadanë, Kinën, Japoninë, Marokun, Indinë dhe Korenë e Jugut.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit