FSHATI BORAKË; SHIJAK; DURRËS | MEHDI GUZINA VDIQ NË SPITAL; ISHTE I DËNUAR ME 18 DITË BURG.

Durrës, Shqipëri | Strukturat vendore të Policisë së Shtetit morën dijeni se:

1- Z. Mehdi Guzina, me moshë 63 vjeç, banues në Shijak, vdiq në spital.

Ai ishte i shoqëruar në ambientet policore sepse ishte dënuar me tetëmbëdhjetë (18) ditë heqje lirie dhe pritej të transferohej për ekzekutimin e dënimit penal në Institucionin e Ekzekutimeve të Vendimeve Penale (IEVP) Lushnjë.

Njoftim | Rreth orës 15:04, ai ka shfaqur shqetësime shëndetësore dhe menjëherë është transportuar nga shërbimet e Policisë drejt Spitalit të Durrësit për ndihmë mjekësore, ku, pavarësisht asistencës së dhënë nga personeli mjekësor, ka ndërruar jetë në sallën e reanimacionit.

Grupi hetimor, nën drejtimin e Prokurorisë, po vijon veprimet për sqarimin e plotë të rrethanave të ngjarjes, thuhet në njoftimin paraprak të Policisë së Shtetit.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit